(11) हेक डियो हेक ऊन्दर गां जाये पलता ला। ओन्हूं गेली मां हाथी मिड़ला।
हाथी ब़ोड़ला, यार किट्ठे जायी पल्ला। ऊन्दर ब़ोड़ला, यार ओढणी सिवाऊं जाये पल्ला।
हाथी ब़ोड़ला, यार ओढण बचे ता माया कच्छा वी सिवांली आयो।
(12) हेक डियो हेक जुवान खू ची ब़ण्डेरी पे ब़ेसती कन्न पच्ची-पच्ची करे ब़ेहलता ला। उट्ठू हेक नेरा जुवान जाये पलता।
ओण्हे ओन्हूं कहले, यार तू पच्ची-पच्ची कां करी ब़ेहला। पचिया चे बाद छब्बी आवे वे।
नेरे जुवान ने ओन्हूं कहले, पहले तू खू मां डेख। नेरे जुवान ने जीवें खू मां डेखले। ओण्हे ओन्हूं लत मारली। बलति ब़ोड़ला, ये हुत्ती गेल्ले छब्बी-छब्बी।
(13) डोन छोरे आठवी क्लास मां आठ बार फेल हुत्ती गेल्ली।
हेक ब़ोड़ले, इसड़े जीले कन्नू ता मरती जाओ।
नेरे छोर ब़ोड़ले, मरे बावला हुत्ती गेल्ला का। नेरे जनम मां बलति पहली क्लास मां पड़णे पड़ी।
(14) टब़री- मोण्स नूं, तू दारू मां घणे पेसे उडारू लागती गेल्ला। हिम्मा तू ना पीले कर।
मोण्स- तू वी ता पालर मां पांच हजार रूपे उडारती आवी वी ओच्चे का।
टब़री- वे ता मे तन्नू सोहणे डिसणे कल्ले उडारे वे।
मोण्स- मे वी ए सांगू पीती आवे वे कि तू मन्नू सोहणी डिस्से।
(15) छोर- दुद्धे नां का छे?
छ्वेर- घालती कन्न बावड़े या डिखाणती कन्न।
छोर- एच्चा का मतलब छे?
छ्वेर- लच्छे।
छ्वेर- दुद्धे नां का छे?
छोर- तू डिये या मे डित्ती कन्न बावड़े।
छ्वेर- एच्चा का मतलब छे?
छोर- मिट्ठी
(16) नरीकार- तन्नू का चाही छे?
भगत- हेक नोकरी, पेसा चा भरीला आल्ला थेला ते अराम ची नीड।
नरीकार- इसड़े ही हुवी।
ब़ड़हा भगत- हिम्मा बेन्क चा सिकोरटी गाड छे। A.C. तले अराम लारे नुहला रीहे वे।
(17) डागदर- तन्नू किसी बिमारी छे?
मरीज- पहले तू वादा कर हंसे नी।
डागदर- ठीक छे, वादा करला।
मरीज- ओण्हे आपणी लत डिखाणली जक्को माचस ची तिली आल्ली कर पतली-पतुंग हुत्ती।
डागदर- विन्नू डेखती कन्न हंसू लागती गेल्ला।
मरीज- तू ता ना हंसणे चा वादा करला हुत्ता।
डागदर- चल माफ करती डे, हिम्मा आपणी बिमारी बावेड़।
मरीज- डागदर साब, हा लत सुजली पल्ली।
डागदर- हंसती-हंसती कन्न, तू इट्ठू नासती जा। मन्नू हंसावणे कल्ले आल्ला।
(18) हेक जुवान दिल्ली गेल्ला, ओण्हे अकबार आल्ले नूं कहले, अकबार डिया।
अकबार आल्ला- हिन्दी चा डिये या अंगरेजी चा।
जुवान- ओ भऊ कुई सा डे जत्ती, मन्नू ता रोटिया बलेठणिया।
(19) जेलर- तन्नू सवेले पांच बजे फांसी डवीजी।
केदी- जोरा-जोरा चे हंसू लागती गेल्ला।
जेलर- का हुल्ले, तू हंसी कां पल्ला?
केदी- साब, मे ता नवे बजे उठे वे।
(20) हेक सोहणी छ्वेर घरा चे ब़हारू पोड़िया पे ब़ेहलती ली।
अय्या- का हुल्ले मायी छ्वेरी नूं।
सोहणी छ्वेर- दुद्धे मोण्स लारे मायी बणी ना, मन्नू माया मोण्स चाही छे।
- टिपणी डाक करा
