(अ) लिखली समगरी अपलोड करणे कल्‍ले निरदेस

1.  लिखली समगरी चे परकार
ये वेबसेट कल्‍ले लिखली समगरी तियार करणे कल्‍ले ते ओच्‍चे मां योगदान डेणे कल्‍ले कई निरदेस डिल्‍ले गेल्‍ले आल्‍ले छी:

1. सान्सकरतिक रूप मां उपलबध: ये वेबसेट पे लिखली समगरी ओड बिरादरी, अमची सन्सकरति ते ओड भासा चे बारे मां होणी चाही छे। इसड़ी लिखली समगरी जक्‍को सान्सकरतिक ते समाज कल्‍ले आच्‍छी ना हो, विच्‍चा कुई फेदा कोन्हीं ते विन्‍नू अपलोड नी करू।


2. बांटणे आल्‍ली समगरी: हर बिरादरी मां कई दरस्टीकोण हुवी वी ते वे बांटणे कल्‍ले फेदेमन्द रिही वी, ते बन्दा नूं हेक्‍को ना करी वी। ये वेबसेट चा उदेस्य सारी ओड बिरादरी नूं हेक्‍को करणे चा छे। जीवें राजनिति ते धरम बन्दा नूं ना बांट सगी। ए सांगू हा निसचेत्त करा:

  1. ये वेबसेट पे अपलोड करली लिखली आल्‍ली समगरी राजनितिक ना हो। वे सारी समगरी कन्‍नू बचा जक्‍को राझनिति लारे समबन्धित हो।
  2. ये वेबसेट पे लिखली समगरी धरम सम्बन्धित नी होणी चाही छे। वे सारी लिखली समगरी कन्‍नू बचा जक्‍को कुई धरम या नरीकार चा महत्व बावड़ो।

3.  निरमान सोसाईटी चे खाब (विजन), मिसन ते मुखे मूलया लारे मिलाण:
ओड भासा मां वेबसेट विकास निरमान सोसाईटी ची पहेल छे जक्‍को ओड बिरादरी ते ओची भासा विकास कल्‍ले काम करे पल्‍ली। हा महत्वपुरण छे कि हा वेबसेट निरमान सोसाईटी चे मूलय ते उदेस्य कन्नू अल्ग कोन्हीं। याची वेबसेट पे निरमान चे विजन, मिसन ते मूलया वा वरणन करला गेल्‍ला आल्‍ला छे।


4. लिखली समगरी चा परकार: ये वेबसेट पे लिखली समगरी चे परकार, लेकिन रोक कोन्हीं, तले वरणन छे:

  1. बिरादरी, विची भासा, सन्सकरति, वाचे दवारा मणले आल्‍ले धरम, बन्दा चा एतिहास, छेतर, जगा चा नकसा, सन्सकरतिक फोटो, सबदकोस, किस्‍से, कहावत, डोहड़े, मुहारे, ब़ुझारे, बाता, समाचार, जनम, मोत, बिहा, तेवार, सान्सकरतिक कारयकरम कई चा वरणन
  2. सरकारी ते गेर-सरकारी कारयकरम चे बारे मां जाणकारी जक्‍को मातरभासा मां, बिरादरी कल्‍ले फेदेमन्द छे।
  3. निरमाण चे काम ची जाणकारी जीवें मातरभासा साक्सरता, मातरभासा विकास, खेतीबाड़ी, सिक्सा कई।
  4. वा कारयकरम ची जाणकारी जक्‍को समाज कल्‍ले फेदेमन्द छी, बेवसेट पे जोड़ने कल्‍ले बिचार कर सगू।
  5. मातरभासा मा परकासन जक्‍को इलेक्टरोनिक रूप लारे उपलबध छे, ओनलेण परकासन नूं सामल करणे।
  6. भासा, बिरादरी, सन्सकरति आदि चे बारे मां मातरभासा ते नेरिया भासा मांपरकासन ची सूची
  7. मातरभासा ते कई नेरिया भासा मां नेरिया वेबसेट चे लिंक, जिट्‍ठे बिरादरी, भासा, सन्सकरति, छेतर कई चे बारे मां जाणकारी हो।

(ब) अपलोड करणे

ये वेबसेट पे कुई वी लिखली समगरी अपलोड करणे कल्‍ले नेम्‍न निरदेस चा पालण करणा चाही छे:

  1. ये वेबसेट पे कुई वी लिखली समगरी अपलोड करणे कन्‍नू पहले चलावणे आल्‍ले (हेक मान्य मेल आई डी ते फोन नम्बर चा उपयोग) चा पंजीकरण करणा पड़ी।
  2. ये वेबसेट पे छपणे आल्‍ली समगरी आपणी होणी चाही छे ( कोपी करली समगरी ची अनुमति कोन्हीं)
  3. वेबसेट पे छपणे आल्ली लिखली समगरी हेक बन्दे कन्‍नू जांच हुल्ली आल्‍ली हो ते चलावणे आल्‍ले नूं जांच करणे आल्‍ली ची लिखत सूचना होणी चाही छे।
  4. लिखली समगरी जांचणे आल्‍ले चे जांचणे चे बाद ओनलेण हुवी। अगर जांचणे आल्‍ला ना मन्‍नी पल्‍ला ता चलावणे आल्‍ले नूं सूचना डी। पर छापणे आल्‍ले चे परसताव आखिरी रिही।
  5. छापणे आल्‍ली टीम लिखली समगरी छपणे चे बाद ना छापणे चा अधकार राखे वे, अगर कुई अपति या दावा छे।

(स) परकिरया

ये वेबसेट पे अपलोड लिखली समगरी जांच ची परकिरया कन्‍नू गुजरी, छापणे चे तीन लेवल छी, जीवें तले डिजले गेल्‍ले:


1. आच्‍छी भासा ब़ोलणे आल्‍ले दवारा जांच: समगरी जांचणे आल्‍ला ओड भासा जाणता हो जक्‍को बिरादरी ची भासा, सन्सकरति, एतिहास आच्‍छी तरहांवे जाणता हो, समगरी जांचणे आल्‍ले नूं लेख, ओचा मूलय, भासा आदि चा मुलयाकन करी, सामगरी जांचणे आल्‍ला इसड़े बन्दे ची वी मदद करी जान्हूं नवीं समगरी लिखणे मां ओची मदद ची लोहोड़ हो।
2. वेबसेट बणावणे आल्‍ला (फेसलिटर) थरू जांच: वेबसेट बणावणे आल्‍ला कई ओड भासा ब़ोलणे आल्‍ला लारे वी बिचार करी ते बलति लिखली समगरी नूं अपलोड करणे एचे बारे मां बिचार करी। अगर समगरी सही कोन्ही ता वे समगरी नूं वेबसेट कन्‍नू हटाती नाखी।
3. वेबसेट प्रबंधक दवारा अपलोड करणे: हर लिखली समगरी ची जांच करणे कल्‍ले वेबसेट प्रबंधक जिम्‍मेवार रिही। जिसे बेल्हे वेबसेट प्रबंधक अनुमति डी ता लिखली समगरी नूं समाज कल्‍ले छापले जायी। केवल हेक्‍को लिखली समगरी जक्‍को मान्य छे वा अपलोड हुवी ते नेरिया वेबसेट कन्‍नू हटाती नाखू। 

पंचांग

वरणमाला केदा

भासा जागरूकता पोस्टर