घणे सम्मे पहले ब़ाले पड़णे कल्ले गुरू चे आसरम मां जत्ती। ओ बेल्हे हर ब़ाला नूं आपणे जीवन चे पच्ची साल गुरू चे आसरम मां बितावणे पड़ते। ओ बेल्हे हेक पण्डत हुत्ता राधेसाम। ओच्चा आसरम बडा मनला आल्ला हुत्ता ते उट्ठे बडी दूरी-दूरी चे चेले पड़णे कल्ले आत्ते। हा बात वा डिय्हा ची छे जिसे बेल्हे राधेसाम बुड्ढा हुत्ती गेल्ला ते ओच्ची टब़री मरती गेल्ली हुत्ती। घर मां परनावणे लेक हेक छ्वेर ब़ेहलती ली। राधेसामा नू हर बेल्हे वे छ्वेरी ची चेन्ता खाली रहती। ओ विन्नू हेक आच्छे छोरा लारे परनावणा चाहवे ला। जां कन्नू धन-दोलत चाहे बिलकोल्ल ना हो पर ऊं मेहनती हो जक्को हर हालती मां ओच्ची छ्वेरी नूं खोस्स राखो।हेक डियो ओच्चे दिमाक मां ख्याल आल्ला ते वे पिरोसानी चा हल सोचला की कां ना आपणे चेला ची अक्कल ची परीक्सा गेहती कन्न याचे मूं ही आपणी छ्वेरी कल्ले हेक छोर सोधे।ओण्हे सारे चेला नूं हेक्की जगा भेल्ले करले ते वान्हूं कहले की में तमची हेक परीक्सा गेहणा चहावे। मन्नू आपणी छ्वेरी चे बिहा ची चेन्ता खाली जाये। मां कन्नू इतने पेसे कोन्हीं। ए सांगू में चहावे की माये छ्वेरी चे बिहा मां लागणे आल्ला समान माये चेले भेला करो। चाहे ओच्चे कल्ले तम्हांनू चोरी कां ना करणी पड़ो मगर मायी हेक्को सरत चा पालन करजा। तम्हांनू चोरी करते कुई डेखो ना पल्ले।नेरे डियो सारे चेले काम मां लागती गेल्ले। रोज ओच्चे चेले कई तरहे चा चीजा चोरी करती आते ते गुरू नूं आती कन्न डित्ते। ओ वां चीजा नूं सम्भालती कन्न मेहलता कां की ओ आपणे चेला नूं सीख डेणा चहावे ला।
सारे चेले आपणे-आपणे दिमाक लारे काम करी पलते ले मगर हेक चेला चोप्प-चाप ब़ेहलता ला। ओ गुरू चा चेहता ते इमानदार चेला हुत्ता। ओन्हूं यूं ब़ेल्हे आल्ले डेखती कन्न गुरू ने ओ कन्नू कारण पूछला। चेला ब़ोडला, गुरूजी तूं परीक्सा ची सरत बेल्हे कहलते ले की तम्हांनू चोरी करते कुई वी ना डेखो पल्ले। अगर अम्हीं हेकले वी चोरी करू जाऊ ता अमची आतमा अम्हांनू डेखे पल्ली अम्हीं खोद्द कन्नू ही ना लुका सगू ता अमचे चोरी करणे बेकार छे। ओच्ची हा बात सुणती कन्न गुरू चे चेहरे पे खुस्सी आती गेल्ली। ओण्हे ओ बेल्हे सारा चेला नूं भेल्ले करले ते वां कन्नू पूछले तम्हीं जिसे बेल्हे चोरी करू गेलते ले ओ बेल्हे तम्हांनू चोरी करते बेल्हे काण्ही डेखले ता कोन्हीं। वे सारे जिणे ब़ोड़ले, कोन्हा। गुरु ब़ोडला, का तम्हीं ये चोरी नूं आपणी आतमा कन्नू लको सगले। सारा चे हा बात समझी मां आती गेल्ली ते सारा चा गिच्चिया सरम कन्नू तले झुकती गेलिया। गुरू ने रामासुवामी नूं परीक्सा मां पास समझले ते सारा चे सामणे कहले की हा परीक्सा में आपणी छ्वेरी कल्ले आच्छे छोर सोधणे कल्ले राखली हुत्ती। जिसे लारे में आपणी छ्वेरी चा बिहा करावी। ओण्हे आपणी छ्वेरी चा बिहा रामासुवामी लारे तय करला।
सीख:- कुई वी काम आतमा कन्नू ना लको सगू ते आतमा ही बन्दे नूं सई रस्ते डिखाणे वे ए सांगू बन्दे नूं सई-गल्त काम कल्ले आपणी आतमा मां झांकणे चाही छे।
- टिपणी डाक करा
