76. जिसे काम नूं करणे मां घणे डर लागे वे, ओ काम नूं करती डिखाणा ता सारा मूं बडी हिम्मत छे।
77. आपणे करम पे जकीन करा, रासि पे ना करा…… कांकि राम-रावण, किरसन-कन्स, याची रासि वी हेक्क सिर्रकिया हुत्तिया पर याचे करम अंज-अंज हुत्ते।
78. जक्को बन्दे आपणिया इच्छा पे रोक लाती डी, उं बन्दे कड्डी वी आपणी जिन्दगी मां डुक्खी नी रिही। भगवान बुध्द
79. मरणे चे बाद जिन्दगी खतम हुत्ती जाये वे मगर रिसता खतम ना हुवी वी।
80. सोक्ख ते डोक्ख आपणे आप ना आवी वी, हा आपणे करम चा फल रिहे वे जक्को आपू भूगतू वी।
81. बन्दे नूं घुस्सा ओ बेल्हे आवे वे, जिसे बेल्हे उं आपणे आप नूं हिणे ता हारले आल्ले समझे वे।
82. बन्दे जिसड़े ब़ोले वे, ओच्चा सुभा वी उसड़ा रिहे वे।
83. रिसते डोरे आल्ली कन्न रिही वी, हेकदम तरूटती जायी वी ता अगर बलति वान्हं ब़ांधू ता गांठ पड़ती जाये वे।
84. बन्दे कुई चीज भांसू जितने दरोड़ी, वा चीज बन्दे कन्नू उतनी दुर हुत्ती चाहली जाये वे।
85. आच्छा सम्मे कड्डी ना आवी वी, सम्मे नूं आच्छे बणावणे पड़े वे।
86. अम्हीं जिसड़े सोचू वी, उसड़े कड्डी ना हुवी वी।
87. सई सम्मे पे सई काम ची पहचाण करणा ही बन्दे ची सफल होणे चा राज छे। अरनोल्ड एच ग्लासो
88. जक्को खाब डेखणे ची हिम्मत राखी वी, वे सारे मोल्ख नूं जीत सगी। धीरू भाई अम्बानी
89. जिन्दगी मां डोन बन्दी ही असफल हुवी वी, हेक वे जक्को सोची वी मगर करी ना वी, नेरे वे जक्को करी वी पर सोची ना वी।
90. तरक्की बन्दे चे हाथ मां रिहे वे, बन्दे तरक्की चे हाथ मां ना रिही वी।
91. बन्दे चे करम खोटे ना रिही वी, बन्दे खोद्द ही खोटे बणती जाये वे।
92. तरक्की बन्दे नूं बडे बणावे वे, ना कि बन्दे तरक्की नूं बडे बणावे वे।
93. चोप्पचाप महोल कल्ले नेरा नूं माफ करती डेणे ही सारा मूं बडी हिम्मत छे।
नेल्सन मंडेला
94. अगर खोद्द खोस्स छिंऊं ता लारे रहणे आल्ले वी जरूर खोस्स हुवे।
95. तरक्की हर हालती मां मेनत ते भाग चा मेल छे। डसटिन मोस्कोविट्ज
96. जान्हूं हारणे चा डर रिहे वे, ओच्ची हार नेसचन्त हुवे वे। नेपोलियन बोनापोर्ट
97. अमची आतमा अमर छे। सुकरात
98. नेतागिरी बाबे ना करी वी।
99. बेन्न बात ब़ोलणे कुई काम चे ना रिही वी। महात्मा गांधी
100. सच हमेसा बन्दे नूं सोर्रग चा रसता डिखाणे वे। महाभारत
- टिपणी डाक करा
