(131) रमेस- मरे, दुद्धे घरे भा लागती गेल्ली ता तू इट्ठे ब़ेहला ला।
महेस- तू वी अजीब छी यार, चाब़ी ता मां कन्नू छे, भा कींवे लाग सगे।
(132) सीला- तू पास हुत्ती गेल्ली।
मालती- अमची सारी क्लास पास हुत्ती गेल्ली मगर अमची क्लास ची मेडम फेल हुत्ती गेल्ली।
सीला- कींवे?
मालती- वा ता हाल्ली वी वे क्लास मां पड़ावे वे।
(133) गुरजी- छोरा नूं ताजमहल काण्हे बणालता ला?
छोर- जी, मिस्तरिया ने …
गुरजी- में पूछे पल्ला कि बणवाला काण्हे हुत्ता?
छोर- जी, ठेकेदार ने …।
(134) हेक्के हाथी ने पहली वार ऊन्दर डेखला। हाथी ब़ोड़ला, तू कूण छी?
ऊन्दर ब़ोड़ला, में ऊन्दर छे।
हाथी ब़ोड़ला, तू कितने साल चा छी?
ऊन्दर- हेक साल चा छे।
हाथी- उमर ता मायी वी हेक साल छे, मगर तू ता मां कन्नू घणा निकड़ा छी, यार।
ऊन्दर- असल मां में पिछले चऊं डिया कन्नू बिमार छे।
(135) ब़ुड्ढी- डागदर नूं, डांत काढा।
डागदर- ब़ाका पट।
ब़ुड्ढी- हा, पटती गेल्ला।
डागदर- कतरा नेरा पट।
ब़ुड्ढी ने कतरा नेरा ब़ाका पटला।
डागदर- कतरा नेरा पट।
ब़ुड्ढी ने सारा ब़ाका पटला जत्ती।
डागदर- कतरा नेरा पट।
ब़ुड्ढी घुस्से मां ब़ोड़ली, मूं मां ब़ेसती कन्न डांत पटे कां?
(136) गणित चा मास्टर छोरा नूं, अगर दुद्धे यारा नूं डोन साओ रूपे ची लोहोड़ छे ता तू ओन्हूं पांच साओ चा नोट डिल्ला ता ओ तन्नू कितने पूट्ठे डी।
मोनू- कस्सा वी नी डी।
मास्टर- तन्नू जोड़-घटाओ ना डा आवी का?
मोनू- डा ता आवी, पर तू वान्हूं जाणी ना, गेहती कन्न पूट्ठे ना डी वी।
(137) संता ते बंता जंगल मूं जायी पलते ले, ओ बेल्हे वाच्चे सामणे हेक सेर आती गेल्ला।
बंता- सेरा ची आंख मां माट्टी नाखती कन्न संते नूं कहले, तू नासती जा जलति
संता- में कां नासे? माट्टी ता तू नाखली।
(138) संता इस्कूल मां गाड़े गेहली आल्ला।
मेडम- ईं गाड़े कां गेहली आल्ला?
संता- मेडम जी, तू आप ता किही वी कि में गाड़े नूं बन्दे बणाती नाखले ता में वी सोचले कि एच्ची वी जिन्दगी बणती जायी।
(139) सेठ ची दुकान पे जत्ती कन्न हेक जुवान ब़ोड़ला, सेठ जी, तरेस्स लागली फिर्रे, पाणी पिलावे का?
सेठ- हाल्ली कुई बन्दे कोन्हीं भिल्ले ले।
जुवान- सेठ जी, कतरा देरी कल्ले तू ही बन्दे बणती जा।
(140) पूत- पांच रूपे डिया।
ब़ा- का करे।
पूत- माये सारे यारा चे खाते छी, में वी खाता खुलवावी।
ब़ा- घणे आच्छे करी पल्ला, किट्ठे खुलवावे।
पूत- ब़ीड़िया आल्ले ची दुकान पे।
- टिपणी डाक करा
