(121)
बां – बेट्टा रोव्वीं कां पल्ला का मास्टरां नूं घणे बुख्खार हुत्ती गेल्ले।
बेट्टा – का बावड़े अब्बा, मास्टर ता आच्छा हुव्वे पल्ला।
(122)
हेक असतरी भाज्जी गेहणे कल्ले दुकान्नी पे गेल्ली , अग्गर भाज्जी खर्राब निकड़ली तां चढ़ली-चढ़ाल्ली भाज्जी पूठ्ठी डित्ती जाई।
सब्जीआल्ला – तां बलति विच्चे लारे डोन-चार रोट्टिया वी चल्ली आईयो।
(123)
अचानचक्क लेट चाल्ही गेल्ली तां मोमबत्तिया बालती नाखलिया। गरमी घणी तिख्खी हुत्ती। हेक मिंजवाण बोड़ला,“ भाऊं , पख्खी तां चलात्ती नाख्खा।
जवान पुठ्ठे मुड़ती कन्न बोड़ला,“ पख्खी चलात्ते ही मोमबत्तिया बिझ्झलिया जाए।
(124)
गुरजी – मनति गिहा , तम्हीं जंग्गला मां भिल्ले, ओ बेल्हे हेक सेर आत्ती गेल्ला तां तम्हीं का कर्रा ?
छोर – गुरजी, में का कर्री ? जक्को कर्री सेर कर्री।
(125)
पप्पू – अब्बा, रात्ती में हेक खाब डेखला, तू मन्नू डस रूप्पे डिल्ले।
बां – बेट्टा, डोन रुप्पे चुपणिया चे कटती कन्न आठ रुप्पे मन्नू पुठ्ठे डे।
(126)
गुरजी – वा गेड्डी चल्ली आ।
टिंग्कू – ना चल्ली आव्वी, गुरजी।
गुरजी – कां ?
टिंग्कू – ऐ सांग्गू ना चल्ली आव्वी कां कि तू वे गेड्डी लारे मन्नू मारी वी।
(127)
छोर – अय्या , जलति केम्मरा डे।
अय्या – कां , इस्सड़ी का आफत्त आत्ती गेल्ली ?
छोर – अब्बा चिक्कड़ा मां डेत्ती पल्ला, ओच्चा फोट्टू छिक्के ला।
(128)
बां ( गुस्से मां ) – गड्डी चे का कर्रे ?
नर्रिकारा ने तन्नू डोन लत्ता के सांग्गू डिल्लिया।
बेट्टा – बरेक्का ता एक्सीलेटर दबावणे कल्ले।
(129)
गुरजी – अम्हीं पाणी कां पीऊं वी ?
छोर – कां कि अम्हीं पाणिया नू खा ना सग्गू वी।
(130)
नोक्कर – बीस हुत्ती गेल्ले मन्नू दुध्धे घर्रे काम करते- करते, माये माल बग्गे हत्ती गेल्ले।
हिम्मा तां तनखां बधात्ती डे ।
कन्जूस माल्लिक,“ हा गेहे बीस रुप्पे। जत्ती कन्न कटिंग करवाल्ली आ।
