(71) मास्टरा ने परिक्सा मां ब़ाला नूं चऊं पन्ना चा निबन्ध लिखणे कल्ले डिल्ला, विस्य हुत्ता आलस का छे?
हेक्के छोरा ने तीन पन्नी खाली छोड़ती डिल्ली ता चोथे पन्ने मां बडे-बडे अक्खरा मां लिखले की “हा आलस छे।”
(72) अय्या- पूत, इसड़े काम ना करले कर की तन्नू कुटिजणे पड़ो।
पूत- अय्या, में आज इस्कूल नी जायी।
अय्या- कां?
पूत- उट्ठे मास्टर साब मन्नू कोटे वे।
(73) हरी लाल चे ढेड्ढ खराब हुत्ते।
ओच्ची टब़री ब़ोड़ली- आज वाइन पी जत्ती।
हरी लाल- आत्थणा चे टल्ली हुत्ती कन्न घरे आल्ला।
टब़री ब़ोड़ली- ईं का छे?
हरी लाल- तू ता सवेले कहलते की आज वाइन पिती आ।
(74) हेक कन्जुस जुवान मरती गेल्ला, ओन्हूं गुस्तान मां पुजावणे हुत्ते।
पहला पूत- अब्बे नूं एम्बूलेंस मां चल्ली चालू।
डूज्जा पूत- एम्बूलेंस मंहगी पड़ी, रहड़ी मां चल्ली चालू।
तिजा पूत- सेंकल पे चल्ली चालू।
हा बात सुणती कन्न कन्जुस ब़ा उठती कन्न ब़ोड़ला, माया चोला ते जूती चत्ती डिया, में टुरता चाहला जायी।
(75) टब़री नूं चाट मारती कन्न मोण्स ब़ोड़ला, बन्दे ओन्हूं मारे वे जान्हूं घणा प्यार करे वे।
टब़री- डोन चाटा, चार लता ते डस गेडिया मारती कन्न ब़ोड़ली, तू का समझी वी कि में तन्नू प्यार ना करी वी।
(76) डोन छ्वेरिया तम्बू लाती कन्न नुहलिया पलतिया, राती चे हेक्की छ्वेरी ची नीड खुड़ली। विणे डूज्जी नूं उठाणती कन्न कहले, उसमान मां तन्नू का डिसे पल्ले।
डूज्जी छ्वेर- घणे सारे तारे।
पहली छ्वेर- एच्चे लारे का पत्ता लागे पल्ला?
डूज्जी छ्वेर- उसमान घणा सोहणा छे।
पहली छ्वेर- ओ नूटन ची अय्या, तम्बू चोरी हुत्ती गेल्ला।
(77) टब़री ने घुस्से मां मोण्स नूं कहले, में पिरोसान हुत्ती गेल्ली, रोज ची लड़ाई-झगड़े कन्नू, मन्नू तलाक चाही छे।
मोण्स- हा गेहे टोफी खा।
टब़री- मनावी पल्ला मन्नू।
मोण्स- ना रे बावली, अय्या किहे वे, आच्छे काम करणे चे पहले मीट्ठे खाणे चाही छे।
(78) राती चे डू दारूबाज ने जोहोड़ मां चान्द ची पच्छावे डेखली।
पहला ब़ोड़ला, ईं का छे?
डूज्जा ब़ोड़ला, हा चान्द छे।
पहला- मरे घरे चाल हिम्मा, आपू मजाकी- मजाकी मां चान्द लारे आती गेल्ले।
(79) तीन जुवान मरणे चे बाद नरीकार कन्नू पूजले।
पहला जुवान- में पूजारी हुत्ता, में दुद्धी बडी सेवा करली, मन्नू सोर्रग चाही छे।
नरीकार- एन्हूं नरक मां गेहती जावा।
डूज्जा जुवान- में डागदर हुत्ता, में जिन्दगी भर बिमार बन्दा ची सेवा करली।
नरीकार- एन्हूं वी नरक मां गेहती जावा।
तिजा जुवान- में हेक बिहा कराला आल्ला जुवान हुत्ता।
नरीकार- ब़स कर बावला, मन्नू रूंवाणे का, चाल भीतर चाल।
(80) हेक डियो हेक दारूबाज जाये पलता ला, अचानचक ओ गारे मां ढेती पल्ला ता ओ बेल्हे बिजली चमकली।
दारूबाज ब़ोड़ला,“ नरीकार आ, हेक ता तू मन्नू गारे मां ढाती नाखले, उपरू फोट्टू वी छिक्की पल्ला।
- टिपणी डाक करा
