1. छगन ते मगन डोन्हीं यार छी, छगन ची कुकड़ी ने मगन घरे इण्डी डिल्ली ता इण्डी काई छी?
उत्तर- कुकड़ी ची इण्डी छी।
2. हेके बणा पे काग ब़ेहलता ला। ओच्चे तले हेक जुवान भिलता काग ने बेट्ठ मारली बलति वी बेट्ठ जुवान पे कोन्हीं ढेली, कां?
उत्तर- काग कच्छी घाली ब़ेहलता ला।
3. हेक हाथी पाणिया मां घिरती गेल्ला, हिम्मा ओ कींवे ब़हारू निकली?
उत्तर- भीला आल्ला।
4. हेक इसड़े काम बावड़ा जक्को जुवान हेक्को वार करे वे पर अस्तरी ऊ काम रोज करे वे?
उत्तर- मांग भरे वे।
5. हेके कमरे मा चार साओ बन्दी हुत्ती बावड़ा डोन साओ नुत्थी रहली कितनी बचली?
उत्तर- 400।
6. गा डूध डिये वे, कुकड़ी इण्डी डिये वे, बावड़ा ये डोन्हीं चीजा कुण डिये वे?
उत्तर- दुकानदार।
7. बेन्न हकारले डागदर आवे, सुई लाती चाहला जाये, बावड़ा का छे?
उत्तर- माच्छर।
8. महेसा चे ब़ा ची पांचा छोरा ची नावे बावड़ा? नरेस, परवेस, रमेस, सुरेस तां पांचवे ना का छे?
उत्तर- महेस।
9. हेक्के जुवान चा छाओ आंगलिया हुतिया, सारी बन्दी ओन्हूं अकबर का हकारती?
उत्तर- सोचा सोचा कोन्हीं पता कांकि ओच्चे ना अकबर हुत्ते।
10. कड्डी बडा ते कड्डी निकड़ा मेहने मां हेकवार डूब़ती जाये बावड़ा का छे?
उत्तर- चांद।
11. चिड़ी चे आगू डोन चिड़िया चिड़ी चे भांसू डोन चिड़िया बावड़ा कितनिया चिड़िया छी?
उत्तर- 3।
12. हेक चीज सस्ती रिहे पर जाडी रिहे, पहले ढेड्ढ भरे ते बलति तर्रेस ब़ुझावे?
उत्तर- गन्ने।
13. वा किसी चीज छे जक्को खोसबो डिये पर फूल कोन्हीं, ब़ले पर जाखते ना काढी वी?
उत्तर- अगरबत्ती।
14. किसी चीज छे, जिसे बेल्हे भांजे वे ता ना अवाज आवे वे ना डिसे वे?
उत्तर- वादा।
15. हेक मन्दर आठ हाथ ऊंचा छे, ओच्चे मां डस हाथ आल्ली दुरगा ची मुरत मेहलणी, बावड़ा कींवे मेहलू, पर मुरत मां कुई बदलाव नी करणा?
उत्तर- दुरगा जी चे डस हाथ छी, वा डस हाथ ऊंची थोड़ी छे।
16. हेक इण्डे उब़लणे मां डस मेन्ट लागी ता डस इण्डी उब़लणे मां कितना सम्मे लागी?
उत्तर- डस मेन्ट।
17. इसड़ा किसा खजाना छे जक्को जितना लुटवाला जाओ उतना घणा बद्धे वे?
उत्तर- ग्यान चा खजाना।
18. डू अक्खरा चे माये ना हरदम रिहे मन्नू जुकाम, कागस छे माये रूमाल, भऊ का छे माये ना?
उत्तर- पेन।
19. ओ किसा फल चे जिसे ढिड्डा मां डांत हुवी वी?
उत्तर- अनार।
20. आंखिया छी पर अन्धी छे, पग छी पर लगड़ी छे, मूं छे पर ब़ोल ना सगी, बावड़ा में कूण छे?
उत्तर- गुड्डी।
21. निकड़ा जी छे मगर ढढ़णी घाले हेक साओ पन्झा?
उत्तर- बस्सल।
22. में सारा लारे छे, कुई मन्नू गार ना कर सगी, बावड़ा में कूण छे?
उत्तर- पच्छावें।
23. वा किसी चीज छे जक्को मीं मां कितनी वी भिजो, कड्डी भिजी ना वी?
उत्तर- पाणी।
24. ओ किसा मेहना छे जिसे मां बन्दी सारा मूं कम नुझी वी?
उत्तर- फरवरी।
25. खुलावा ता में जीति रिही, पिलावा ता में मरती जायी?
उत्तर- जाखते।
26. वा किसी चीज छे जिसी ची आंखिया मां आंगली नाखा ता वा मूं खोलती नाखे वे?
उत्तर- केंची।
27. वा किसी चीज छे जा कन्नू चार आंगलिया ते हेक अंगूट्ठा छे पर ओच्ची कुई वी आंगली ते अंगूट्ठा बाढती नाखा ता ओच्चे पे कुई फरक नी पड़ी?
उत्तर- दस्ताने।
28. वा किसी चीज छे जक्को हमेसा बद्धे वे पर कम ना हुवी वी?
उत्तर- उमर।
29. वा किसी चीज छे जा कन्नू हेक आंख छे पर डेख ना सगी?
उत्तर- सुई।
30. वा किसी चीज छे जिसी चा अकार ता छे पर बार कोन्हीं?
उत्तर- अक्खर।
31. वा किसी चीज छे जक्को हमेसा दरोड़े वे कड्डी टुरी ना वी?
उत्तर- अंजण।
32. माया भऊ बड़ा सेतान छे, ब़ेसे नाक पे ते पकड़े कान वे?
उत्तर- चसमा।
33. हेक्की घोरी चे डोन रखवाले, डोन्हीं लम्बे ते डोन्हीं काले?
उत्तर- मुच्छा।
34. वा किसी चीज छे जिसी ची खांपे कोन्हीं बलति वी हवायी मां उडरे वे, हाथ कोन्हीं बलति वी लड़े वे?
उत्तर- पंतग।
35. घेरा हरा छे, माड़ी जा पीली छे, ओच्चे मां जक्को चीज छे वा काली छे?
उत्तर- सरसू।
36. इसड़ी किसी चीज छे जक्को पाला मां वी पिघरे वे?
उत्तर- मोबत्ती।
37. ओ किसा फल छे जक्को कच्चा छे ता मीट्ठा लागे वे, पकती जाये ता खट्ठा लागे वे?
उत्तर- अनास।
38. ओ हरा छे पर पान्ने कोन्हीं, नकल करे वे पर बान्दर कोन्हीं, बावड़ा में कूण छे?
उत्तर- तोता।
39. अकबर चे सम्मे मां आगरा मां घणी बाड़ आलती ली। सारा आगरा पाणिया मां डूब़ती गेलता पर ताजमहल बचती गेलता, कींवे?
उत्तर- ताजमहल अकबर चे सम्मे मां कोन्हीं बणला हुत्ता।
40. डू अक्खरा चे माये ना, ठोडा नूं ढकणे माये काम?
उत्तर- टोपी।
- टिपणी डाक करा
