हेक्के राज्जे चे नुझणे आल्ले कोठ्ठे मां हेक्की जूंवे ने घर्र घाले जत्ती । रोज्जाना रात्ती चे जिस्से बेल्हे राज्जा नुत्थी रहता तां वा होले-होले बहारू आत्ती कन्न राज्जे चे लूहीं पित्ती कन्न बलति आपणी जग्गा पे लुकती जत्ती । अचानचक्क हेक डियो हेक माच्छर राज्जे चे नुझणे आल्ले कोठ्ठे मां आत्ती पुज्जला । जिस्से बेल्हे जूंवे ने ओन्हूं डेखले तां विणे ओन्हूं उठ्ठू जाणे कल्ले कहले । विन्नू आपणी जग्गा मां काई वी दख्खल मन्जूर कोन्हीं हुत्ती । माच्छर वी घणा चल्लाक हुत्ता , ओ बोड़ला ,“ डेख , मिन्जवाणा लारे इस्सड़ा बरताव ना करजी वी , में आज्ज रात्ती चे दुध्धा मिन्जवाण छे ।” जूं माच्छरा चे चुप्पड़िया बात्ता मां आत्ती गेल्ली । ठीक छे , तू हेक्को रात्त रोक्क सग्गी मग्गर राज्जे नूं ना पट्टियो पल्ला । माच्छर बोड़ला ,“मग्गर में दुध्धा मिन्जवाण छे , मन्नू कस्सा तां खाणे कल्ले डिये ।” जूं बोड़ली ,“ ठीक छे , तू चोप्पचाप राज्जे चे लूहीं पित्ती गिहो , ओन्हूं कत्तरा जां वी दार्द महसूस नी होणा चाही छे ।” माच्छर बोड़ला ,“ जिस्सड़े तूं किहे , उस्सड़े ही हुव्वी ।” रात्ती चे राज्जा आत्ती कन्न गद्दड़ा पे नूत्थी रहला । ओन्हूं डेखती कन्न माच्छर सारे कोच्छ भुलति कन्न राज्जे नूं पट्टू लाग्गती गेल्ला । इस्सड़े सुवाद्दी लूहीं ओण्हे पहली वार पील्ले हुत्ते , ऐ साग्गूं ओ राज्जे नूं जोरा-जोरा चे पट्टू लाग्गती गेल्ला । ऐच्चे कन्नू राज्जे चे लिंग्गा मां खरसी हूं लाग्गती गेल्ली ता नीड खुड़ली गेल्ली । ओण्हे गुस्से मां आपणे पहरेदारा नूं कहले कि माच्छरा नूं सोहती कन्न मारती नाख्खा । हा बात्त सुणती कन्न चल्लाक माच्छर पलंघा चे लारे तल्ले लुकती गेल्ला मग्गर चाद्दरी चे कुणे पे बेहली जूं राज्जे चे पहरेदारा नूं डिस्सती गेल्ली । वाण्हे विन्नूं पकड़ले तां मारती नाखले ।
सीख:- अणजाण बन्दा पे कड्डी यक्कीन नी करणा चाही छे ।
