सावधान; दरोड़ते ते कसरत करते बेल्हे मास्क घालणा गलत छे
सरीर मां अक्सीजन कम होणे लारे सारे अंग पे अस्सर
अक्सीजन ची मातरा घटणे ते कार्बन ची मातरा घटणे लारे मुखे अंग पे अस्सर पड़े वे।
कार्बन डायओकसाइड जहर चे सरीर पे पड़ने आल्ले अस्सर
आंख, कान पे अस्सर- दीद कम ते कम सुणीजी
खाल पे अस्सर- लाल धब़्ब़े ते खुजली
नस पे अस्सर- कम हुत्ती जायी
दिमाक पे अस्सर- चिड़चिड़ापन, सोस्त, चक्कर आवणे, पिरोसानी, ठोड दरद, बेहोस होणे
देल्ल पे अस्सर- देल्ल ची धड़कन बधती जाये वे, बी पी बधती जाये वे, फेफड़ा पे अस्सर- स्वसन तन्तर CO2 बद्धे वे, फेफड़े कमजोर
कड्डण ते किट्ठे जरूरी छे मास्क
- आपू स्वस्थ छिऊं ता मास्क ची लोहोड़ ओ बेल्हे पड़ी, जिसे बेल्हे आपू कुई करोना आल्ले बन्दे ची डेखभाल करू पल्ले।
- अगर आपा नूं जुकाम-खंग छे, गले मां खरास छे ते थकेड़ा वी छे ता मास्क घाला ते घर अराम करो, लोहोड़ बेल्हे डागदर नू डिखाणा।
- मास्क घालणे लारे बचले पल्ले जरूरी कोन्हीं। मास्क घालणे ओ बेल्हे सई छे जिसे बेल्हे हाथ साफ हो।
- भीड़-भाड़ आल्ली कुई वी जगा पे जत्ते बेल्हे मास्क जरूर घाला।
किसे बेल्हे जरूरी कोन्हीं मास्क घालणा
- कसरत करते बेल्हे मास्क ना घाला, मास्क लारे सरीर नू उतनी अक्सीजन ना मिली वी, जितनी लोहोड़ छे, कम अक्सीजन लारे फेफड़ा मां दिक्कत हो सगे।
- आपू स्वस्थ छिऊं ते घरे छिऊं, मास्क घालणे ची लोहोड़ कोन्हीं।
- मास्क चे अलावा सामाजिक दूरी ते सेनटाइजर चे नेम चा पालन करा।
- अगर आपू गड्डी चलाऊं पल्ले ते गड्डी मां हेकले छिऊं, मास्क घालणे ची लोहोड़ कोन्हीं
सवेले- 7 कन्नू 10 बजे तक खुड़ले रिहे बगीचे
आत्थणा चे- 5 कन्नू 6:45 बजे तक खुड़ले रिहे पारक
हिमकी टिपणी