हेक्के पहाड़ा ची टुसनी पे हेक बाज रहता । पहाड़ा ची वाल्ली मां बुहेड़ी चे बणा पे हेक काग्ग घोस्सला बणाती कन्न रहता । ओ बड्डा चल्लाक हुत्ता । ओच्ची सद्दा हाँ कोस्सिस रहती कि बिन्ना मेनहत्त करले खाणे कल्ले कस्सा मिलती जाव्ओ । बणा चे मुन्डा मां घणी सारी ससस्य रहती । जिस्से बेल्हे ससस्य बहारू आत्ती तां बाज घणी ऊप्पर्र उडरती कन्न हेक्के आध्धे ससस्य नू चत्ती चाहला जत्ता । हेक डियो काग्गा ने सोचले ,“ यूं तां ये चल्लाक ससस्य माये हात्थे नी आव्वें , अग्गर याच्चा कुला मांस खाणा तां मन्नू बाज्जा आल्ली कन्न करणे पड़ी । नेरे डियो काग्गा ने वी हेक्के ससस्य नूं पकड़ने कल्ले घणी ऊप्पर्र उड्डर्रू लाग्गती गेल्ला । बलति ओण्हे ससस्य नूं पकड़ने कल्ले बाज्जा आल्ली कन्न झपट्टा मारला । ससस्य ने ओन्हूं डेख्खती गेल्ले ता दरोड़ती कन्न फत्थरां लुक्कती गेल्ले । काग्ग जीव्वें हेक्दम ओच्चे डुस्स आल्ला तां ओ फत्थरां नूं भिड़ला जत्ती । ओच्ची ठोंग ता गिच्ची भांली गेल्ली । ओ उठ्ठी मेल्ला गेल्ला ।
शिक्षा:- नक्कल करणे कल्ले हम्मेसा अक्कला चा इस्तेमाल करणा चाही छे ।
