जंग्गला मां ठड्डा चा मोस्सम आव्वे पल्लता ला । सारी जानवरें आवणे आल्ले मोस्समा कल्ले तियारिया कर्रु लाग्गती गेल्ली । चिड़ी ने वी आपणा घोंस्सला तियार करला ता ओन्हूं चाऊं पास्सू कख्खा लारे ढकती नाखले । हेक डियो अचानचक्क बद्दला मां बिज्जली गरजू लाग्गती गेल्ली ता कत्तरा जीं देरी मां मुसलाधार बारस आऊं लाग्गती गेल्ली । सारी जानवरें आपणे-आपणे घर्रे आऊं लाग्गती गेल्ली । चिड़ी वी तिख्खे-तिख्खे आपणे घोंस्सले मां आत्ती गेल्ली ता अर्राम कर्रु लाग्गती गेल्ली । कत्तरा जीं देरी मां हेक बान्दर आपणे आप नूं बचावणे कल्ले बणा तल्ले लुक्कला आत्ती । चिड़ी बान्दर नूं डेखती कन्न बोड़ली ,“ तूं इत्तना हुस्सियार बणता फिर्री वी , इस्सड़े मोस्समा मां बचणे कल्ले घर्र कां नी बणाले ।” हा बात् सुणती कन्न बान्दरां नूं गुस्सा तां आल्ला मग्गर ओ चोप्प रहला ता खोद्द नूं बणा तल्ले बचावणे ची कोस्सिस कर्रु लाग्गती गेल्ला । कत्तरा जीं देर चोप्प रहणे चे बाद चिड़ी बलति बोड़ली ,“ गरमिया चे मोस्समा मां आलसिया आल्ली कन्न इंग्गे-उंग्गे हुल्ला फिर्री वी , आच्छे हुव्वें आ खोद्द कल्ले हेक घर्र बणावे आ जत्ती ।” बान्दर गुस्से मां बोड़ला ,“ तूं आपणे लारे मत्तलब राख , माई फिक्कोर्र ना कर ।” चिड़ी चोप्प हुत्ती गेल्ली । बारस बान्द ना हुव्वें ली ता घणी तिख्खी हवा वी चल्लू लाग्गती गेल्ली । बड़हा बान्दर ठड्डे कन्नू कांप्पू लाग्गती गेल्ला । मग्गर चिड़ी ता ओन्हूं छेड़ने ची कस्सम खाली भिलती , वा बलति बोड़ली ,“ तूं कत्तरा जां अक्कला चा इस्तेमाल कर्रे आ ता आज्ज ये हालत्ती मां ना हुव्वें आ ।” बान्दर बलति गुस्से मां बोड़ला ,“ हेक्दम चोप्प करती जा , ये गियान चा बात्ता आपणे कन्नू राख ।” बान्दर बिल्कोल्ल भित्ती गेल्ला ता बुर्री तराहवें कांप्पे भिलता ला । चिड़ी कन्नू नी रहले गेल्ले ता वा बलति बोड़ली ,“ हिम्मा तां घर्र बणावणा सिखती जायो ।” इत्तने सुणती कन्न बान्दर बणा पे चढ़ू लाग्गती गेल्ला ता बोड़ला ,“में घर्र बणावणा ना जाणी मग्गर मन्नू भानणे आच्छी तराहवें डा आव्वें वे ।” ओण्हे चिड़ी चा घोंस्सला भांती नाखला । चिड़ी वी बान्दरां आल्ली कन्न बेघर्र हुत्ती गेल्ली ता ठड्डे कन्नू कांप्पू लाग्गती गेल्ली ।
शिक्षा – कुई मसीबत्ती मां आल्ले बन्दे ची मदद कर सग्गा ता कर्रा पर्र ओन्हूं बेक्कार चे उपदेस ना डिल्ले कर्रा ।
