घणे डिये पहले ची बात्त छे , हेक घणा घाट्टा जंग्गल हुत्ता । हेक वारी कुई कारणा कन्नू सारे जंग्गला मां भियानक भां लाग्गती गेल्ली । सारी जानवरें डेखती कन्न डर्रू लाग्गती गेल्ली कि हिम्मा का हुव्वी ? कत्तरा ची देरी मां सारे जंग्गला मां दरोड़-भज्ज मच्चती गेल्ली । सारी जानवरें इंग्गे-उंग्गे दरोड़ू लाग्गती गेल्ली । सारी जानवरें आपणी-आपणी जान बचात्ती फिर्रे ली ता ओ जंग्गला मां हेक निकड़ी चिड़ी वी रहती । विणे डेखले सारे लोक डर्रले फिर्रे ता जंग्गला मां भां लाग्गली पल्लती । मन्नू लोका ची मदद करणी चाही छे । वा इत्तने सोचती कन्न जलति नद्दी मां गेल्ली ता उठ्ठू आपणी ठुंग्गे मां पाणी भरती आल्ली ता जाखत्ते पे नाख्खू लाग्गती गेल्ली । वा बलति-बलति नद्दी मांजत्ती कन्न, आपणी ठुंग्गे मां पाणी भरती कन्न , जाखत्ते पे नाख्खू लाग्गती गेल्ली । विच्चे लारू हेक उल्लू जाए पल्लता ला । ओण्हे चिड़ी नूं डेखती कन्न आपणे मन्ना मां सोचले ता बोड़ला , हाँ चिड़ी कित्तनी मुरख छे । यूं वी कुई कड्डी जाखत्ते बिझा सग्गे । चिड़ी ने घणे सान्त सुभां लारे जबाब डिल्ला ,“ मन्नू पत्ता छे , माये ऐ परियास लारे कस्सा नी हुव्वी । मग्गर मन्नू आपणे तर्रफू आच्छे करणे । भां कित्तनी वी भियानक हुत्ती जाई मग्गर में आपणा परियास नी छोड़ी । उल्लू हाँ बात्त सुणती कन्न परभावित हुल्ला ।
शिक्षा :- जिस्से बेल्हे कुई पिरोसान्नी आव्वे ता बन्दे नूं घबरात्ती कन्न हार नी मनणी चाही छे मग्गर बिना डर्रले परियास करते रहणे चाही छे ।
