हेक्के जंगला मां हेक कुम्मी ते सस्ये हुत्ते। सस्ये नूं आपणी तिखी दरोड़ी पे घणा गुमान हुत्ता। ओन्हूं जक्को वी मिलते। ओ वान्हूं आपणे लारे दरोड़ लावणे कल्ले कहता। हेक डियो हेक कुम्मी ओच्चे लारे दरोड़ लावणे कल्ले तियार हुत्ती गेल्ली। कुम्मी ते सस्ये ची दरोड़ सुरू हुल्ली।
सस्ये घणे तिख्खे दरोड़ते, ऐ सांग्गू उ कुम्मी कन्नु घणे आगू निकलती गेल्ले। सस्ये ने पुट्ठे मुड़ती कन्न डेखले ता ओन्हूं कुम्मी कोन्हीं डिसली। ओण्हे आपणे मना मां सोचले, कुम्मी नुं इट्ठे पूजणे मां घणा सम्मे लागी। में कतरा जीं देर बणा ची छाईं तल्ले अराम करती गिहे। नुहले-नुहले ओच्ची आंख लागती गेल्ली। ओन्हूं पत्ता वी नी लागला।
कुम्मी होले-होले मगर लगातार टुरती रेहली। घणी पीच्छें सस्ये ची आंख खुड़ली। कुम्मी आपणे लकसय पे पुजणे आल्ली हुत्ती। सस्ये घणी तिख्खे दरोड़ले मगर हिम्मा ता घणी देर हुत्ती गेलती ली। कुम्मी दरोड़ जीतती गेल्ली।
शिक्षा- जक्को बन्दे होले-होले ता लगातार आपणे लकसय पे गोर करे वे वे हमेसा जीत्ती वी।
